即日專欄：穀賤傷農 油賤傷隆
前晚紐約期油下跌至-40美元一桶，真的是前所未見，比起美股一個月內5度熔斷更離奇，有人話油價負數，是不是可以用油商貼埋大牀嫁女來形容，這個比喻唔錯，不過就有禮金冇大牀，更加冇地方安置張大牀，現在雖然買油的人有回贈，但就要他們自己搵地方儲存，如果沒有地方儲存，有金都執唔到。
油商貼錢賣油 百年難得一見
有人問點解油價會大跌，老實說，太深奧我唔識得講，但我認為產油國基於某些戰略原因，早已有計劃大量增產，本來，增產增加油價下跌的可能，都唔會跌得太過離譜，但很不幸地遇上百年難得一見的新冠肺炎，不是單一地區或者國家出事，而是全世界都受到影響，航班停飛，郵輪停航，各國各地封關封城，行車燃油用量大減，不但令到油價跌上加跌，而且，原油庫存也爆燈，多出的原油又不能傾倒入大海，油商唯有貼錢賣油，大家有幸，見證百年難得一見的一刻。
原文: https://bit.ly/2XUxuW9
網上圖片
===================================
想了解我更多的投資心得及個人動向，請立即讚好我的專頁 #湯文亮
Search